နည်းပြဟောင်း မာတီနက်ဇ်ကို အသင်းနည်းပြအဖြစ် ပြန်လည်ခန့်အပ်ရန် အဲဗာတန်အသင်း ကြိုးပမ်းနေ
အဲဗာတန်အသင်းသည် နည်းပြဟောင်းဖြစ်သူ ရောဘတ်တိုမာတီနက်ဇ်ကို အသင်းနည်းပြအဖြစ် ပြန်လည်ခန့်အပ်ရန် ကြိုးပမ်းနေပြီး ဘယ်လ်ဂျီယံဘောလုံးအဖွဲ့ချုပ်နှင့် ဆွေးနွေးမှုများပြုလုပ်ခဲ့ကြောင်း သိရသည်။
မာတီနက်ဇ်(၄၈ နှစ်)သည် ၂၀၁၆ ခုနှစ် မေလတွင် အဲဗာတန်အသင်းနည်းပြရာထူးမှ ထုတ်ပယ်ခံရပြီး ယင်းနွေရာသီ၌ပင် ဘယ်လ်ဂျီယံလက်ရွေးစင်အသင်းနည်းပြအဖြစ် ခန့် အပ်ခံရကာ လက်ရှိအထိ တာဝန်ယူနေခြင်း ဖြစ်သည်။
ဘယ်လ်ဂျီယံဘောလုံးအဖွဲ့ချုပ်သည် မာတီနက်ဇ်ကို ယခုနှစ်ကုန်ပိုင်း၌ကျင်း ပမည့် ၂၀၂၂ ကမ္ဘာ့ဖလားအပြီးအထိ ထိန်းသိမ်းသွားလိုသောကြောင့် အဲဗာတန်သို့ ပြောင်းရွှေ့ရန် ခွင့်ပြုချက်ပေးဖွယ်မရှိကြောင်း သတင်းများက သုံးသပ်ရေးသားခဲ့ကြသည်။
လောင်းကစားဒိုင်များတွင် အဲဗာတန်နည်းပြအဖြစ် မာတီနက်ဇ် ပြန်လည်ခန့်အပ်ခံရရန် အပြတ်အသတ်ရေပန်းစားလျက်ရှိကြောင်း သိရသည်။ စပိန်လူမျိုးနည်းပြ မာတီနက်ဇ်သည် အဲဗာတန်အသင်းကို ၂၀၁၃ ခုနှစ်မှ ၂၀၁၆ ခုနှစ်အထိ ကိုင်တွယ်ခဲ့သည်။
