ခံစစ်ကစားသမားမရှိတော့တာကို ဟာသဖောက်ပြီး ပြောသွားတဲ့ ဂွါဒီယိုလာ
ဒဏ်ရာပြဿနာတွေ၊ ကြံ့ခိုင်မှုပြဿနာတွေနဲ့ ပွဲပယ်ပြစ်ဒဏ်တွေရဲ့ ဝိုင်းဝန်းထိုးနှက်ခြင်းခံနေရတဲ့ မန်ချက်စတာစီးတီးနည်းပြ ဂွါဒီယိုလာက ၎င်းအနေနဲ့ တီထွင်ဖန်တီးနိုင်စွမ်းရှိရမှာဖြစ်ကောင်းဖြစ်နိုင်တယ်လို့ ဟာသဖောက်ခဲ့ပါတယ်။
ပက် ဂွါဒီယိုလာက ဝက်ဖို့ဒ်နဲ့ ယှဉ်ပြိုင်ကစားရမယ့် ပွဲစဉ်မတိုင်ခင် ခံစစ်မှာ ကြီးမားတဲ့ ဒဏ်ရာပြဿနာတွေနဲ့ ဆက်လက်ယှဉ်ပြိုင်သွားရမှာဖြစ်တာကြောင့် ၎င်းရဲ့ တောင်ပံကစားသမားတွေထဲက တစ်ဦးကို ဗဟိုခံစစ်နေရာမှာ သုံးရကောင်း သုံးရနိုင်တယ်လို့ ဟာသလုပ်ခဲ့ပါတယ်။
မန်ချက်စတာစီးတီးအသင်းဟာ ပရီးမီးယားလိဂ်အမှတ်ပေးဇယားထိပ်ဆုံးမှာ ရပ်တည်နေတာဖြစ်ပြီး လီဗာပူးလ်အသင်းရဲ့ နောက်ကနေ ထပ်ချပ်မကွာ ဖိအားပေးနေမှုကြောင့် ဝက်ဖို့ဒ်နဲ့ပွဲစဉ်မှာ အနိုင်ရရှိအောင် ကစားဖို့ ကြိုတင်ပြင်ဆင်နေတာဖြစ်ပါတယ်။
ဒါပေမယ့်လည်း ကိုင်လီ ဝေါ်ကာ၊ ဂျွန် စတုန်း၊ နေသန် အကီတို့လို အဓိကကစားသမားတွေ ဒဏ်ရာပြဿနာတွေနဲ့ ရုန်းကန်နေရတာကြောင့် ယခုအပတ်ပွဲစဉ်မှာရော လာမယ့်အပတ် ချန်ပီယံလိဂ် ဆီမီးဖိုင်နယ် ပထမအကျော့မှာပါ ခံစစ်အတွက် ခေါင်းခဲနေရတာဖြစ်ပါတယ်။ ဂွါဒီယိုလာက လက်ရှိမှာတော့ ၎င်းအနေနဲ့ ရှိတဲ့လူတွေနဲ့ ဖြစ်အောင် တီထွင်ကြံဆပြီး လုပ်သွားရမှာ ဖြစ်ကောင်း ဖြစ်နိုင်တယ်လို့ ဟာသဖောက်ပြောဆိုသွားခဲ့ပါတယ်။
“အခုအချိန်မှာ ကျွန်တော်တို့ လုံးဝကို ပြဿနာတက်နေပါတယ်။ ကျွန်တော်တို့ အရေးကြီးတဲ့နေရာအများအပြားမှာ ပြဿနာတွေရှိနေပြီး ခင်ဗျား အသားကျအောင် လုပ်ရမှာပါ။ ကစားသမားတွေကလည်း ကျွန်တော်တို့ ပြဿနာတက်နေတယ်ဆိုတာ သိနေတယ်။ တောင်ပံကစားသမားတစ်ယောက်လောက်ကတော့ ဗဟိုခံစစ်ကစားသမားအဖြစ် ကစားရကောင်း ကစားရနိုင်တယ်။ ဒါပေမယ့် လူအများကြီးရှိတယ်မဟုတ်ဘူးလားဆိုရင် ကျွန်တော် အဲဒါကို မနှစ်သက်ပါဘူး။ ကျွန်တော် မကစားရဘဲ အရန်ခုံပေါ်မှာ ၄၊ ၅ ယောက်လောက်ကို ထိုင်ခိုင်းထားရတာ ဝမ်းနည်းတယ်။ ကျွန်တော် ၈ ယောက်၊ ၉ ယောက်လောက်ကိုတော့ အရန်ခုံမထိုင်ခိုင်းချင်ပါဘူး”
မန်ချက်စတာစီးတီးအသင်းဟာ အက်ဖ်အေဖလားပြိုင်ပွဲကနေ ထွက်ခဲ့ရပြီးဖြစ်ပေမယ့်လည်း ပရီးမီးယားလိဂ်ဖလားနဲ့အတူ ဥရောပမှာ အောင်မြင်မှုရဖို့ နားချိန်များများမရတဲ့ ပွဲချိန်ဇယားကြားမှာ အစွမ်းကုန်လုပ်သွားဖို့ မျှော်လင့်နေဦးမှာဖြစ်ပါတယ်။ ဂွါဒီယိုလာက လက်ရှိအခြေအနေကို လက်ခံပြီး ဖြစ်အောင်လုပ်ဖို့က ၎င်းရဲ့အသင်းအတွက် ဘယ်လောက်တောင် အရေးကြီးလဲဆိုတာကိုလည်း ပြောကြားခဲ့ပါတယ်။
“ပြန်လည်ကုစားဖို့နဲ့ ခင်ဗျားရဲ့ စိတ်ကို လန်းဆန်းသွားအောင်ထားတာ ပိုကောင်းပါလိမ့်မယ်။ သင်တန်းက အားလုံးအတူ ရယ်မောပြီး အပေါင်းလက္ခဏာဆောင်တဲ့ စွမ်းအင်တွေရဖို့ လေ့ကျင့်ခန်းတွေ လုပ်ရပါတယ်။ လေ့ကျင့်မှုက ၅ မိနစ် သို့မဟုတ် ၁၀ မိနစ်လောက်ပဲ ကြာနိုင်ပါတယ်။ ကျွန်တော်တို့ ကစားသမားတွေကို ဆုံးရှုံးခဲ့ရပြီး နောက်ထပ် အဆုံးရှုံးမခံနိုင်တော့ပါဘူး။ ဒီနေ့က ဘရိုက်တန်နဲ့ ပွဲအပြီး ၂ ရက်မြောက်နေ့ဖြစ်ပြီး ပရီးမီးယားလိဂ်က သူတို့တွေ ပိုပြီးတော့ ပင်ပန်းတဲ့ ဒုတိယနေ့ကို မသိပါဘူး။ အနားယူပြီး မနက်ဖြန်မှာ ကျွန်တော်တို့ အဆင်သင့်ဖြစ်နေမှာပါ”လို့ ပြောကြားခဲ့ပါတယ်။
