ဘာဆာတို့ လီဗန်ဒေါ့ဗ်စကီးကို စာချုပ်ဖျက်သိမ်းဖို့ ကြံစည်နေပြီလား
ဘာစီလိုနာအသင်းဟာ လာမာစီယာအကယ်ဒမီထွက် လူငယ်တွေ နေရာပေးနိုင်အောင်နဲ့ အသစ်ရောက်လာတဲ့ ကစားသမားတွေကို ပွဲထွက်ကစားချိန်ပေးနိုင်ဖို့ ရောဘတ် လီဗန်ဒေါ့ဗ်စကီးရဲ့ စာချုပ်ကို ဖျက်သိမ်းဖို့ ကြိုးပမ်းနေတယ်လို့ မကြာသေးမီက သတင်းတွေက ဖော်ပြခဲ့ပါတယ်။
ဘာစီလိုနာဟာ ပိုလန်တိုက်စစ်မှူးရဲ့ စာချုပ်ထဲမှာ ထူးထူးဆန်းဆန်း အချက်တစ်ချက်ကိုလည်း ထည့်သွင်းချုပ်ဆိုခဲ့တာဖြစ်ပြီး အသစ်ထွက်လာတဲ့ ကောလာဟလတွေအရတော့ နောက်ဆုံးမှာ အဲဒီအချက်ကို အသက်သွင်းသွားနိုင်ခြေရှိပါတယ်။
စပိန်သတင်းဌာန Sports ရဲ့ ဖော်ပြချက်အရ ကတ်တလန်ထိပ်သီးအသင်းကြီးဟာ လီဗန်ဒေါ့ဗ်စကီးရဲ့ စာချုပ် ၃ နှစ်ပြည့်ပြီးနောက် အဲဒီရာသီမှာ ပွဲအရေအတွက် ၅၅ ရာခိုင်နှုန်းပြည့်မီအောင် ပါဝင်ကစားပေးနိုင်ခြင်းမရှိဘူးဆိုရင် စာချုပ်ကို ဖျက်သိမ်းခွင့်ရှိတယ်ဆိုတဲ့အချက်ကို ထည့်သွင်းချုပ်ဆိုခဲ့တာဖြစ်တယ်လို့ သိရပါတယ်။
လီဗန်ဒေါ့ဗ်စကီးရဲ့ စာချုပ်သက်တမ်းဟာ ၂၀၂၆ ခုနှစ်မှာ သက်တမ်းကုန်ဆုံးမှာဖြစ်ပြီး အသက် ၃၅ နှစ်အရွယ် တိုက်စစ်မှူးဟာ ဒဏ်ရာပြဿနာတွေ နည်းနည်းပိုများလာသလို ယေဘုယျအားဖြင့် ခြေစွမ်းပိုင်း အကျဘက်ကို ရောက်ရှိနေပြီဖြစ်ပါတယ်။
ဘိုင်ယန်မြူးနစ်မှာတုန်းက ဂိုးသွင်းစက်ဖြစ်ခဲ့တဲ့ အနေအထားကလည်း ကျန်ခဲ့ပြီဖြစ်ပေမယ့်လည်း လီဗန်ဒေါ့ဗ်စကီးဟာ လာလီဂါဖလားကိုလည်း ကိုင်မြှောက်ထားနိုင်ခဲ့ပြီးဖြစ်ပြီး ဂိုးရှေ့မှာ ခြိမ်းခြောက်မှုအဖြစ်တော့ ရှိနေသေးတာဖြစ်ပါတယ်။
ဘာစီလိုနာနဲ့ ချုပ်ဆိုခဲ့တဲ့ စာချုပ်သက်တမ်းဟာ ကာလရှည် စာချုပ်လို့ ထင်မြင်ရပေမယ့်လည်း လက်ရှိ ဘာစီလိုနာအသင်းရဲ့ ပွဲစဉ်တွေမှာ ပါဝင်ကစားခွင့်မရဘဲ အရန်ခုံပို့ခံထားရတာက စာချုပ်ပါ အချက်ကို ဇာဗီတို့ အသက်သွင်းဖို့ ကြံစည်နေကြပြီလားဆိုတာ စဉ်းစားစရာဖြစ်လာနေပြီဖြစ်ပါတယ်။
REF: INTERNET SOURCES
PHOTOS CREDIT TO OWNERS
